Profi University talabalari uchun yangi imkoniyat: Talabalar Turkiyada tahsil oladi!

Oʻzbekistonning Profi University Xususiy Universiteti xalqaro hamkorlik doirasini kengaytirishda davom etmoqda! Universitetning 13 nafar iqtidorli talabasi O‘zbekiston-Turkiya talabalar almashinuvi dasturi doirasida Rejep Tayyip Erdo‘g‘an Universitetida bir semestr davomida tahsil oladi.

Bu imkoniyat talabalar uchun yangi bilim va tajriba orttirish, Turkiyaning ilg‘or ta’lim tizimi bilan yaqindan tanishish hamda akademik malakalarini oshirish uchun ajoyib sharoit yaratadi.

Profi University har doim o‘z talabalari uchun xalqaro miqyosdagi hamkorliklarni kengaytirishga, ularning rivojlanishi va kelajakdagi muvaffaqiyatlariga zamin yaratishga intiladi. Bu kabi dasturlar yoshlar uchun nafaqat ilmiy, balki madaniy jihatdan ham katta tajriba bo‘lib xizmat qiladi.

Talabalarimizga muvaffaqiyat va samarali o‘qish tilaymiz!